Zindagi ka safar kabhi kabhi kuch aise pal dikha deta hai jo humare rishtey ko gehra aur majboot banate hain. Aaj ki kahaani ( Rishton Ka Safar: Ek Bete aur Papa ki Dilchasp Kahani ) hai ek aise safar ki, jahan ek beta apne papa ke saath jude hone ka raasta dhoondta hai.
Ek ladka tha, Ravi, jiska rishta apne papa ke saath thoda alag tha. Bachpan se lekar jawani tak, unki baatcheet hamesha yes/no se zyada kuch nahi hoti thi. Lekin phir ek din, unki zindagi mein ek mod aaya.
Ravi ne apne padhai ke liye ghar se door ek hostel mein jaana shuru kiya. Aur wahaan se shuru hui unki alag duniya. Pita ka phone aata tha, lekin har baar, bas kuch hi lambe chhote sawaalon ka jawaab tak hi unki baate simit thi.
Jab Ravi ne engineering complete ki aur naukri shuru ki, tab bhi, baat cheet wahi rehti thi – exam, paise, aur ek chhota sa “Okay”. Phir aaya COVID ka lockdown, aur sab kuch badal gaya. Ravi ko apne mata-pita ke saath rehna pada. Aur uss samay se shuru hui unki nayi kahaani.
Un nau mahinon mein jo pal Ravi ne apne pita ke saath bitaye, woh unke poore zindagi se bhi zyada lagte the. Din bhar ki chhoti-chhoti baatein, shaam ko pita ke saath chai peena, aur hafton ke beech mein hue samvaad mein mithaas thi.
Ravi ke papa ne unhein apne bachpan ki kahaniyan batai, aur Ravi ne apne sapnon ki baat ki. Unhonein ek-doosre ko samjha, pyaar kiya, aur ek doosre ke saath samay bitane ka maza liya.
Ravi aur unke papa ke beech ki kuch aise anokhe aur mazedaar baatein bhi hoti thi. Ek din, Ravi ne apne papa se cricket match dekhte hue pucha, “Papa, aapko kaunsa player pasand hai?” Aur phir shuru hui cricket ke baare mein gupshup, jismein dono ne apne favorite players aur matches ke baare mein discuss kiya.
Is kahaani ( Rishton Ka Safar: Ek Bete aur Papa ki Dilchasp Kahani ) se humein yaad aata hai ki rishtey ko samjhaavna aur nibhaana zaroori hai. Har ek chhota lamha, har ek baatcheet ki ehmiyat hota hai.
Aur aaj, Ravi aur unke papa ke beech ka rishta, gehra aur majboot ho gaya hai. Kyunki kabhi kabhi, dooriyan kam karne ka raasta, bas ek “Hello” se shuru hota hai. Aur uss ek “Hello” ke peeche chhupi mithaas, ek naye rishte ki shuruaat hoti hai.
